सावन के मजा//
लग गे हावय सावन महिना,
गिरय झमाझम पानी।
उल्होवय डारा पाना हा,
लहर–लहर लहराये।
किसम –किसम के फुलवा फूले,
महर –महर ममहाये।
किरा–मकोरा झींगा मिलके,
करे अबड़ मनमानी।।
घूमे फिरे ल मनखे जावय,
पिकनिक खूब मनाये।
दुःख दरद ला भूल सबोझन,
फोटू बने खिचाये।।
खुशी –खुशी ले चेहरा खिले,
गुरतुर निकले बानी।।
सरग बरोबर लागे भुइयांँ,
जम्मों देव समाये।
बाबा भोले नाथ ह संगी,
गंगा धार बहाये।
बरसत पानी मा खुश हो के,
मनखे करे किसानी।।
पांँव पखारँय ये धरती के,
गाथा जम्मों गाये।
जनम धरे हे ये माटी मा,
माथा अपन नवाये।
छत्तीसगढ़ी हमर राज्य के,
सुग्घर हवय
//रचनाकार//
प्रिया देवांगन "प्रियू"
राजिम
जिला - गरियाबंद
छत्तीसगढ़
कोई टिप्पणी नहीं:
एक टिप्पणी भेजें